آه بحبك ..
،🌀🌀🌀🌀
عايزة أقولك آه بحبك
وقت غضبي إنتِ نبضي
وقت فرحي إنتِ همسي
لما أضمك تضحكي
ولما أجنن وأبعد ثواني
مش مني بتهربي
أشوف دموعك برة فنجانك
أضحك وأجري وأحضنك تاني
مش جنان
ده حب بيعرف يسمع
وإيدك لما تلمس قلبي
تدوب أسراره وتجمع
أسرح وأقول محدش فاهمني
وعيني لما تقع عليك
تضحكي
وتعرفي تضحكيني
همسة منك بتغيرني
وخجلي يجري يستخبى
ورا فنجان واقف ساتر
ما بين قلبي وما بين قلبي
وبرقص فوق حافة الشوق
مش بخاف
عارفة لو ميلت
هقع في حضنك
وأنتي سر الأمان
فيك ريحة أمي
وفي حضنك وطني
ومن بابك المفتوح
قلبي عمره ما اتوه
بس خدّي مني عهد
ما تغدريش
وما تقفليش بابك
في يوم وتوجعيني
لأن بعدك صعب
والقلب ضعيف
وإنتي الحبيبة
وإنتي الطريق
🌀🌀🌀🌀🌀🌀🌀🌀
بقلمي/ حنان فريد
خالص تحياتي لحضرتك وجميل الشكر والتقدير
ردحذف