على حرف حلمي قضبان
ــــــ
مُتسع الكون ثقب إبره
غيابك غياهب اختلست الشمس والقمره
على هامش الليل شمعه
بتحرق فـ نبض عايش على الذكرى
النهر مال للعكس
القلب عليل ولا يتحس
وع الخد مجرى الدمعه
شقوق بتحرق فـ روحي وبس
يا مسافر فوق سحابي
الغيمه طولت فـ نصابي
حبة مطر هجرتني بلا رجعه
شاب من جفاها شبابي
اربع عقود انفرط منهم عقدين
لا الزمن هيلضمهم ولا هيعوضهم سنين
لا وصفة طبيب عمرها نافعه
ولو زرعوا جوه قلبي قلبين
يا سفاحين الوصل وسايبنه ع المشنقه
يتشاهد وليله ماله شقشقه
سايبنوا يصارع دفعه دفعه
ما تريحوه بقا بالمطرقه
على حرف حلمي قضبان
ضيك قتله السجان
وحرقوا بسفينتك الأشرعه
احياء وياريتنا كنا كان ياما كان
ــــــــ
احمد صلاح العثماني
تعليقات
إرسال تعليق