أنا مركبك وشراعك
.............................
مستغربة أنا عارف
ليه بقرأ من دماغك
حاسس بنبض قلبك
ومين أشترى ومين باعك
مهو انتى منى بتسكنى
وعقلك يقول مش فارق
حاسس بخوفك يملكك
وبقلك أنا مركبك وشراعك
مالك والخوف مليكى
وخوفك باين عليكى
من ايه معايا تخافى
وليه دمعتك ف عنيكى
طفلة محبوسة فى أهاتك
حزن ومغيم سماكى
ليه عيونك تايهه زايغة
والأيام حطت عليكى
ليه بتنامى ف زاويه ضلمه
حاضنه احلامك ايديكى
كل دمعة بتحكى قصة
كل يوم ف الهم حصة
ايدى ممدودة لايديكى
يلا بينا لدنيا تانيه
تنسي فيها دموع عنيكى
يلا بينا نروح بعيد
نصنع احلامنا بايدينا
نقتل كل جرح كان
بيلم الأوجاع علينا
خلى قلبك جوى حضنى
والايام تحلو بينا
انت نجمى ونور عيونى
انت قمرايا ف سمايا
بينا قصة عشق حلوة
تبتدى بينا الحكاية
بابتسامك قلبي يرقص
ف عيونك بعشق هواية
انت عشقى ونبض قلبي
فيكى بكتب كام رواية
والقلم بيكتب لوحده
حرف مصنوعلك عباية
بحب فيكى طفولة صافية
ف قلبي موجوده ومعايه
بحب فيكى الحب كله
من البداية للنهاية
..............................
تحياتى
....
بقلم
عمر جميل
تعليقات
إرسال تعليق