العش القديم
،،،،،،،،،،،،،،،،،،،،،،
افردى جناحك وطيرى
عرفى الكل بمصيرى
مش هاممنى انى ارتبطت
او اتخدعت أما ربطت
يوم مصيرك مع مصيري
المهم ان قلبى بعد قولك
لسه متعلق أسيرك
ولحد امتى حياتى عندك
لسه مربوطة بحبالك
كل حاجه اتمنتيها حققتهالك
الا حب كبير كان نفسى فيه
من حبالك لوحدك فكتيه
وابتديت من تانى ادور
علي عش تانى
يقدر ينسينى الاماني
يمكن حياتى ويا غيرك
تكونلى سلوى تكون عزايا
والتقيت نفسى فى هواك
برضه حايم زى طير
جنب عشه الاولانى
واللى كنت بنيته بالأمانى
لما جيتي يومها وببساطة
وبكل قسوة قلب وهدتيه
عش الامانى اللى ضاع
فى بناه عمرى
جيتي ببساطه ودمرتيه
،،،،،،،،،،،،،،،،،،،،،،،،،،،،،،،،،،،،،
أيمن الحداد
تعليقات
إرسال تعليق