صورتها مزيفة
..................
ضحكت وقالت لى
حاهديك صورتى ..
حابعتهالك فى ايميلك
وتخبيها ولا حد يشوفها
غير عينك بس ومش غيرها
وانا من طيبة قلبى داريتها
بين رمش عيوني وخبيتها
وفى مرة فتنتلى عليها
واحده كانت صاحبتها
وقالتلى الصورة اللى معاك
مش هى صورتها
دي صورة صاحبتها
ياخسارة طلعت مش ليها
وضحكت عليا بسلامتها
اتاريها بتتسلى ساعتها
فى الآخر طلعت كدابة
والصورة اللى اتمنيتها
طلعت مش هى صورتها
وقالتلى أنها كات بتهزر
وبتضحك وتصدق شقاوتها
ولا حست مرة بمشاعرى
اللى فى لحظة جت هديتها
والصورة ما طلعتش صورتها
...................................
أيمن الحداد
تعليقات
إرسال تعليق