وصية أمى...بقلم المبدع /ايمن الحداد

وصية أمي...

،،،،،،،،،،،،،،،،،،،،،، 

حبيت اكتب والسلام

عن شئ جوايا من زمان

كنت محرج إني اقوله

لأن الدنيا مالهاش أمان

كنت لما كنت صغير

عمري ما حسيت بالامان

كنت اشوف أني وحيد

وسط غابه م النسيان

واما كان حد يناديني

كنت اعمل مش دريان

إلا واحد بس لو حضني

احس بحضنه والأمان

ولما يبعد عن عينيا

احس اني في بير غرقان

الحضن ده كان حضنها

كان حضن أمي... 

ووياها باعيش باطمئنان

صك كانت ادتهولي

حط ربك قدام عنيك

حتلاقيك عايش فرحان

وان خالفت وجوده هو

عمرك ما حاتحس بأمان

وإن رجعتله في يوم ندمان

حايرجعلك تاني الأمان..

صح كده ولا انا غلطان؟ 

هي دي كانت أمي

أيام وعشتها من زمان... 

،،،،،،،،،،،،،،،،،،،،،،،،،،،،،،،،،،،،،،،،،

أيمن الحداد