واحدة تانية
....................
جاتنى تبكى
ع اللى كان منه وقالتلى
صعب جدا
ان واحدة تانية تاخده منى
هو كان شوية
ولا ايه.؟ هو كان الننى
هو برضة اللى زمان
حبه كان مجننى
والنهاردة واحدة غيرى
تاخده منى ؟؟
مش راح ازعل انه سابنى
وراح لغيرى
بس حارفض
انه يوم يرجع أنينى
اصله كان أنينى
وفى حضنه مدفينى
بس لما ييجى
لحد عندك اندهيلى
خلى بينى وبينك
وصال واسمعينى
حابق اقولك
كل حاجةعنه صدقينى
حتلاقيه يطلب
يقابلك ف مكانى
ويطلبلك نفس
مشروب الامانى
الل ياما شربت منه
وكتير روانى
حتلاقيه يمسك ايديكى
وفى عنيكى
حتلاقيه سرحان
وهايم ويناديكى
اوعى تسبينى .....
اصل انا عارفاه وشفت معاه
اللى ماشافته من قبله عينى
واعذرينى انى باقولك كل كلمة
كان يقولهالى وقالهالك بتكوينى
بس مش ممكن اسامحه لكنى
باطلب منك انك تسامحينى
لما اقولك انه عاهدنى على سنينى
انه يحفظها زى نور عينه وعينى
بس ياخسارة طلع كداب وشربنى
من دموع عينى اللى يكفينى
وفى الاخر جايلك وهو ساقينى
مر الفراق اللى مسيرك حاتدوقيه
زى ما دوقته زمان وياه
يمكن ساعتها تعذرينى
..........................................
أيمن الحداد
تعليقات
إرسال تعليق