قلوب ...بقلم المبدع /أحمد صابر

 قلوب هى فين بس القلوب 
بقيت حجاره لا دا الحجاره أحن
لفيت فى الحياة دى دروب
شوفت حاجات خلت عقلى اتجن
تزرع ورود تجمعها شوك 
طبطبت ياما و ابدا ملقتش حد حن
قسوتهم بقت علنى و ع المكشوف
و حجتهم تملى ظروووف 
و الوجع قدموه بالطن 
دخلت دنيتكو دى فى لفه 
عيل برئ يضحك حبه و حبه يزن
اكبر همومى لعبه و خروجه 
و بضمة امى و ضحكتها بتراضى
و بضحك تانى و قلبى يحن 
حلمت اكبر و لما كبرت عرفت
لى وش ابويا كرمش و الحزن بان عليه
عرفت انه شال فى الحياه دى شيل
و انه حالف قدمنا و الله ما يميل
و ان الدنيا نحتت جوا منه نحت 
و انه تملى كان فى حق نفسه بخيل
كبرت و عرفت معنى الشيل 
... 
بقلم
أحمد صابر








تعليقات