من عنيك بترجمك.....بقلم المبدع /عمر جميل

 من عنيك بترجمك من غير كلام 

.........................................

أمرك عجيب

م  البداية بتسألى امته النهاية

مش غريب 

عينك تدور ع النهاية م البداية

ومش مريب

عرفت أن قلب الحزن فيك عشش

وشئ رهيب

خسارة روح العشق مات و مشش

ليه بعشقك للجراح بتعيشى فيها

ليه عيونك والدموع محبوسه فيها

والظروف بتخنق خنقة الايام عليها

والعيون بتقول كلام من غير كلام

ترجمتها روح بعيد دا معاد غرام

والإخلاص دى كلمة ترجمها  الهوام

انت حلم حلمت بيه وخلاص كفايا

ف الخيال ما حصدت فيه إلا الغواية

روحنا فوق طيرنا فوق فوق الخيال

والنجوم شوفها شاهدة ألف ليلة ف الغرام

خلاص تعبت عاوزا واقع مش خيال

ولا مكتوب العذاب و السعادة شئ محال

نفسي أنسي لحظة خوفى ورايحه فين

والطريق بدايته ٱخره يودى فين

نفسي لحظة من الأمان واعيش هدوء

نفسي أضحك والسعادة منها ادوء

عرفت ليه م البداية مفيش بداية

والحكاية بسيطة خالص 

م البداية مفيش حكاية

والنهاية مفيش نهاية

لاننا قفلنا أبواب البداية

قلتلها بس هس ما عاد كلام

قلبي من عشقك بيترجم أوام

عرفتى أنى  دايما ساكن جوى روحك

بكتب كلام وترجمة من روح جروحك

وبعذرك لو قلتى بأى سلام سلام

أوينتهى ولا ينتهى بينا الكلام

والغرام هيعيش دوام حتى لو بعد السلام

.............................................

تحياتى .....بقلم عمر جميل