؛؛؛؛؛؛؛{ يامه افرحي }؛؛؛؛؛؛؛؛؛
ماتعيطيش لو تسمحي
زفيني يلا و افرحي
دانا يامه حاجز مطرحي
وأنا كلي شوق
في الجنة فوق
ويا جميع الأنبيا .
والصديقين و الأوليا .
مانا يامه روحي راحت فدا
لما سمعت اول ندا
كل المعاني اتجمعت
ووداني يامه اتشمعت
ماسمعت غير صوت الوطن .
ماقدرتش أتأخر عليه
مانا اصلي عايش فيه وليه
حتي تلاقيه في القلب دق
لما يناديني ماقولشي لأ
أسبق واكون الاولاني
وااااااااااااخد مكاني
وأتمني اكون اول شهيد .
واوهب لغيري عمر تاني
واتولد انا من جديد .
و أرجع و أزيد .......
للغدر أبيد .............
واقطع لمكر الشر إيد .
مانا اصلي عاشق للوطن
والعشق ده غالي التمن
العمر له ارخص تمن .
يامه افرحي ولا تزعليش
ماتدمعيش .. أنا مت اه
بس الوطن لازم يعيش .
مايهمنيش يامه اني اموت
وأنزل اجازتي راكب تابوت
ماهو كله موت .
بس إني اموت واكون شهيد
تفرق كتير عن أي موت .
هفرح واقول انا الشهيد
دي الجنة يامه مش بعيد
يامه افرحي وفرحك يزيد
وانا برضو يامه هكون سعيد .
أنا حي أرزق مش كلام
ده وعد من رب الانام
ووعده صدق مافيش جدال
هو اللي قال ......
{ ولا تحسبن الذين قتلوا في سبيل الله امواتا بل أحياء عند ربهم يرزقون }
؛؛؛؛؛؛؛؛؛؛{ حماده ريحان}؛؛؛؛؛؛؛؛؛؛؛؛
تعليقات
إرسال تعليق