مكتوب
دبحني بسكين الحقيقة
وقالى استنى متموتيش
كفكفي دمع قلبك
و خليكى جاري ما تبعديش
عارفك شديدة ..و قوية
زي ما حبيتك خليكى.ما تتغيريش
مكتوب تفتحي للهوى بابك
و تكتبي بيدك عذابك
مكتوب الدمع يحرق خدك
بس لا ما تبكيش
كسرتني يا بن قلبي ..يوم ما هويتك
يوم ما قلبي الغبي صدق
فرحتي إللى شوفتها في عنيك
و رعشة شوقي اللي في ايديك
و حلا اسمي من شفايفك
يوم ما خلانى احدى امانيك
ابشرك !!
خاصمتني صديقتك ...و ماتت حبيبتك
غسلوها بدمع حيرتك ...
و كفنوها بتوب عروستك
اطمنك .....انا مش بخير
انت لي قلت ما تكدبيش
غصب عني انكسرت ...و اتقهرت
و غصب عني بكيت بحرقة...
يمكن اني مش قوية
و يمكن انت ما عرفتنيش.
B.ch
تعليقات
إرسال تعليق