حبيبتي...... الحياة
--------------------------
بحبك وانتي بتعاندي في حياتي كتير
بحبك وعمري ماسيبك تسرقيني منك
هشوف احلامي في عينيكي
واضحك عليك وانتي بتهربي مني
هسرق سعادتي منك غصب عنك
مش قلتلك اني بحبك
لمحتك يوم ميلادي وانتي بتسرقي عمري
ومن يومها حلفت ماخون عهدي معاك
مش هاخد عمري وكفايه هخدك انتي
وكل لحظة سرقة منك مباحة
دموعي وفرحي وجرحي وصبري
دين عليك واقسمت اني هرد حق
من حروفك ولحظات خوفك
حتي وانتي بتهربي هتقربي
وقت غروبك من عمري منتهي
لما اقول وشروق ربيعك دين
ممدود حتي سواد ليلك عتمته فرحة
هحول نور فجرك صلاة للعيد بكل جديد
هضمك في حضني واقولك اااه وحشتني
ومش ممكن تفرقيني الا لو كرهتيني
وانا عارفه انك بتعشقي همسي
وحروف اسمي وعمري اللي اتولد علي ايديك
وضمتك ليا اول يوم دموع في العمر
انتي الوحيدة اللي قسوتك حب وخوف
ولهفه في كل لحظة كنتي بتبعيدني
دموع عينك كانت بترويني مش ههرب
واخاف منك انا بينك وبيني ميعاد
ووقت فراق اكيد محسوب بالساعة والثانية
وعمر لازم يفوت بين ايديك
ويوم ماهقول خلاص سلام انا مفارقة
هتكون نهاية قصة عشق مطويه
يحكيها كل العاشقين بحبك
وانتي بتوهبيني من اسمك حروف........ َالحياة
عرفتي بحبك ليه.
.......... ...........
بقلمي حنان فريد
تعليقات
إرسال تعليق