عمر الوجع ماكان سبيل
الوجع وقت الرحيل سفير
لوادي رسموا وشم ببدايته
وقالوا اسمه النسيان
وقفت على أول دروبه
وتفرعت منه الطرق
يمين يسار كلها شئ
من خيال
حتى المحال احتال
وفتح ذراعه يحضني
يمكن صعبت عليه
قال بلاش كمان يخدعني
والدموع مابقاش لها
سكه رجوع والضحك
فوق الشفاه بيترعش
مين خان أمان
ومين صان عهده
لملم جروح فوق السطوح
وادفنها في جوف الموت
اصل اللي حلم
بيوم مر يفوت
كان في الأساس اعمي
ربط جناح صبرة بوتد
مزروع في الأرض
وقاله طير
ضحك الصبر وكان فاهم
ان السما بتنده له
طار و نسي أن الوتد
بدايه نهايته
وفي لحظة ثار
وصرخ اااه
ياعقول ببانها مقفوله
وقلوب من القهر مكسورة
بكى الصبر
وقال ليه الزمن خوان
ضحك الزمان
وقاله عمرى ماكون اهله
كل الحكاية
أنه عاش بملامحي انسان
انا نفسي في يوم صدقته
وامنته على نفسي
ووهبت له عرشي
خان وثبت على عهده
اصل الخيانه امانه
من طول عهده
لو مد ايد ورا ايد
اوعي يخدعك وعده
....... ...... .....
بقلمي /حنان فريد
تعليقات
إرسال تعليق