(أجمل حكاية حب)
شعر غنائي
رمضان الخربوطلي
30/11/2017
.......................
أجمل حكاية حب
عشناها أنا وهيا
وليالي كتير سهرناها
وياما حلمت انا وهيا
بدنيا جميله تجمعنا
وليالي حلوه وهنيا
واتاري الفرحه
عمرها قُصَيَّر
وكل مابينا في لحظه
يتغير
ويضيع الحب في ثواني
وعمري ماكنت أتصور
حيجي يوم يفرقنا
أو يجي يوم ونتغير
نسينا الشوق وأحلامنا
وضاع الحب قدامنا
واتغير كل شئ بينا
واتغير كل مافينا
راحت فين ليالينا
وتاهت ليه خطاوينا
وضاع الحب من إيدنا
وصار الحزن في عنينا
..........................
رمضان الخربوطلي
تعليقات
إرسال تعليق