في صراعنا مع الدنيا والايام
دايما فيه علامات استفهام
واسئله كتير محتاجه اجوبه
وفيه ناس كتير اتكلمت عن الدنيا
وانا طبعا واحد منهم عشان كده
بضم صوتي لصوتهم وهحاول اقولها يمكن الاقي عندها رد
وهكتب للدنيا واقولها
هو انتي ليه
هو انتي ليه علي طول كدا
غاويه قسوا بالشكل دا
غاويه ليه تبكينا علي الي راح
ومش سيبانه ليه نرتاح
هو انتي ليه علي طول كدا
غاويه عذاب والم وويل نفس اعرف هتوصلينا لحدفين
هو انتي ليه هو انتي ايه
ليه بتندمينا هو انتي ليه عايزه بإيدك تدمرينا كل ما نقول ارتحنا تيجي بريحك تتعبينا
ماحرام عليكي كفايه طلعتي عينينا
شوفيلك حد غيرنا وحلي
بقا بعيد عنا ابعدي وريحينا وبلاش
تتعبينا هو انتي ليه علي طول كدا
غاويه قسوا بالشكل دا
موتي قلبك ولا ايه
وهديتي السور الي بانتيه
ضيعتينا ولا هونا عليكي
رخصتينا ما صعبنا عليكي
هو انتي علي طول كدا جايه علينا
نيجي نسالك تعملي مش حاسه بينا ومهما نبكي مابترحميش دمع عنينا خدتي منا وقت كتير وخدتي مننا كل الخير مات القلب وبكت العين وطلعتي الروح وتعبنا كتير هو انتي ليه علي طول كدا حيرا وعذاب بالشكل دا دمرتينا وقضيتي علينا هديتي السور عليتي الموج وبتاذينا وادينا بنتفرج عليكي وصابرين ومعاكي بردوا مستنيين هو انتي ليه
بقلم
طارق المليجي
تعليقات
إرسال تعليق