ولدى
اه ياابنى ياضنايا ده انا ياما شقيت عليك
وكان فرحى وهنايا اشوف ضحكه عينيك
ومابين سهرى واسايا كنت افتح حضنى ليك
ده انت املى ومنايا نور عينى بيراعيك
بادعى ف صبحى ومسايا واقول ربى يهديك
ولما اشتد عودك وكبرت وبقيت شباب
نسيت خلاص وعودك اصبح ابوك سراب
اخلفت ليه عهودك وسيبتنى فى عذاب
الحضن اللى احتواك وسهر معاك ليالى
وقلبى دايما معاك ما انت العزيز الغالى
كان نفسى تكون ملاك وتكون سندى وامالى
يا أبنى مصحفنا قال الجنه ف رضى الوالدين
واحذر يوم السؤال ماهو كله سلف ودين
غضبى عليك محال انا من فعلك حزين
والعمر مهما طال بيفوت فى ثانيتين
دمعى ع الخد سال وانت قاسى وضنين
شعر احمد اسماعيل \شاعر العرب
تعليقات
إرسال تعليق