شنطة_سفر
★★★★
ليل الشتا زي الشيطان وسواس
رغم الدفا بنحس فيه بالبرد
شايل ( تابوت ) الذكريات فوق الرفوف
وساعات كتير بنشوفه زي الورد
في ناس تحب أنك تشوفها
وناس تشوفها تحبها
أسباب كتير والغربة مرة
أصحاب كتير مالقتش وقت الجد .
★
الليل طويل والهم مالي القلب
أحباب كتير أتفرقوا وقت الغروب
الحزن شاعر ، بس القلم أيوب
كتب الرواية وبداها بالمقلوب .
★
ألبوم صور والذكريات أتجمعت
في قصيدة تشبة ضحكتك
عدى شريط الذكريات قدام عنيا
وكأني شايف بسمتك .
★
في حاجات كتير أتغيرت
وحاجات كتير أتبدلت
وانا فوق رصيف الذكريات
مستني أعدي لدنيتك .
★
أنا حلمي كان شنطة سفر
جوة محطة ذكرياااات
وحروف مسافرة للقمر
عمري اللي عدى واللي فات
أنا شخص عايش
بس الحقيقة قلبه ماااات ..!
★
أحلام سفر والسكة مش بداوي
قطر الحياة بيفوت
هي حياة أو موت
★★★★★★★★
حرفيات_شاعر
بقلمي /أحمد_فهمي
تعليقات
إرسال تعليق