آه يادنيا ...بقلم المبدعة/سهير بدران

## آه يا دنيا ##
آه يا دنيا وعشت فيها
آه يا حلم وملقيتوش
آه يا صرخه تشق روحى
آه يافرحه ترد عمرى
آه يا نار ولقيت عذابها
آه يا حب وسايبنى ليه
آه يا حضن دفالى عمرى
آه يا فراق ملاحقنى ليه
آه يا نور نور حياتى
آه يا فرقه وجيتينى ليه
مانا كنت عايشة
مانا كنت حابة
مانا كنت حاسة
مانا كنت لسه عايزه كتير
لسانى شابه
لسانى حابه
لسانى عايزه
عايزه كتير
عايزه حنان
عايزه امان
عايزه قلب يكون كبير
يكون حاببنى
يكون عايزنى
يقوللى روحى عايزاكى انتى
يقوللى عمرى عايز لقاكى
يقوللى أنا لسه عايز كتير

الشاعرة سهير بدران
· 9 أكتوبر، 2014 ·