أصل الحكاية انى بحبك يابلادى
يامالكة روحى وليك دمى وفؤادى
يام النيل بيجرى و حواليه الورد النادى
يام الحضارة المرسومة فى كل وادى
شعبك أصيل وترابك عنده دهب
شاف فيك كتير لحد لما تعب
اللقمة فيك بقى الحصول عليها عجب
والحياة بتفرم فيه ومفيش عليها عتب
وهو لانه أصيل ودمه من النيل والعصب
ليك دايما بيميل ويقول بحبك يابلادى
دامهما شوفت منك قلبى عليك بينادى
ياأجمل هدية جاتلى من أجدادى
عهد علي أحافظ عليك واهديك لولادى
حاولت كتير تفرقنا وتحطمنا أيد اﻷعادى
اﻹرهاب الإسود هدر دم أخويا وعمادى
وبكت قلوبنا فى كنيسة ومسجد فى سهاد
على دم سال وكسى الارض فى يوم أعياد
أصله ميعرفش إن الرباط بنا رباط مش عادى
ربى يحميكى يامصر ياام الرجال الشداد
رغم المصاعب ليك كل حبى وودادى
بقلمى انتصار سلامة
تعليقات
إرسال تعليق